| الاثنين 04 . 02 . 2008
الأرض
أسعد السواد
الارض من تغتاض تتفجر
ارجال
والشعب من يغتاض يتفجر اوطان
واحنه انتفر حجي اوطائفيه وشأن
درب التقدم زلكـ والعلم لف دخان
ودرب المكاوم ورد والموت للانسان
وهذا كليط ومهم يفهم على البعران
وذاك جبير وشهم كل البشر خرفان
للشيخ احله شعر محبوك بالالوان
بعكاله يسكن حرف لاصوره لااوزان
هوسات حتى السحّر لوردت الفرسان
وعنده وصايف كمر تتحله بالعوبان
ولمن يسولف شهر محد يسكت السان
ولوحضر يوم الفصل ياخذ ولو غلطان
والفديه ميّت مره وكشة غنم رعيان
للمراءه ماظل حجي بس الزلم هذيان
زمرت عشاير لغف ومفطح ونسوان
دوله وصفت هربجي والكشخه للاعيان
سبحه ومحابس ذهب وسياره صنع المان
تفكه وخناجر يمن والبدله من عمان
وكل يوم بيهم نذل بالقاعده ورطان
والشعب يأكل هوه ويشرب سكم غمـّان
بالروح ميّت سهم والكلب هب بركان
والوطن ماهو سهل من يحتضن طغيان
للارض صوت ودمع وللشجر حس واذان
والنهر مايرتجي من الجرف طوفان
بالوطن ما كو مزح والعدل بالميزان
مهد الحضاره يظل ما يركع الخذلان
تاريخه عز وكرم والعلم والعرفان
وينك يازين الزلم يمعدل اوشعلان
بعدك وطنه كصب حركته الورعان
ريتك ترد بغفل فدعه وسبع فرسان
بيدك وطنه ورد ومطرز بنيسان
منك يهاب الظلم يازوبعه وانسان
|
